तरुण दल सुनसरीका सभापति गुरुङद्वारा जन्मोत्सवको अवसरमा ‘वृक्षारोपण अभियान’ को थालनी

काठमडौँ– नेपाली कांग्रेसका युवा नेता तथा नेपाल तरुण दल, सुनसरीका सभापति सिजन गुरुङले आफ्नो जन्मदिनको अवसरमा ‘वृक्षारोपण अभियान’ को थालनी गरेका छन् ।

उनले शुक्रवार आफ्नो जन्मदिनको उपलक्ष्यमा ‘एक तरुण, दश बिरुवा, पर्यावरण संरक्षणका लागि उपयोगिता’ भन्ने मुल नाराका साथ वृक्षारोपण अभियानको थालनी गरेको हिमालय पोष्टलाई बताए ।

यस अभियानअन्र्तगत सुनसरी तरुण दलका प्रत्येक कार्यकर्ताले आफ्नो जन्मदिनको अवसरमा सकेसम्म सामुदायिक वनमा कम्तिमा पनि १० वटा बिरुवा अन्यथा आफ्नै घरवरपर सकेजति बिरुवा रोप्ने अध्यक्ष गुरुङले जनाए ।

पर्यावरणको स्वच्छ बनाउनु सबैको दायित्व रहेको बताउदैँ उनले यसबाट मानव जाति मात्रै नभई सम्पूर्ण प्राणीहरु समेत लाभान्वित हुने सुनाए ।