विपक्षी दलसंगको वार्तापछि प्रचण्डले भने– ‘अहिलेको सरकार अप्राकृतिक छ, अब चल्दैन’

काठमाडौँ– नेकपा माओवादी केन्द्रका अध्यक्ष पुष्पकमल दाहाल प्रचण्डले अब केपी शर्मा ओली नेतृत्वको सरकार नचल्ने दाबी गरेका छन्।

शुक्रवार विपक्षी दलका प्रमुख नेताहरुसंगको भेटवार्तापछि उनले सो धारणा व्यक्त गरेका हुन् । नेपाली कांग्रेस र नेकपा एमाले मिलेर बनेको सरकार अप्राकृतिक भएकोले अब नचल्ने उनको राय छ ।

‘यो गठबन्धन अप्राकृति, अलोकतान्त्रिक र अप्राकृतिक छ भनेर मैले गम्भीर रुपमा पार्लियामेन्टमा पनि बाहिर पनि भनेको सुन्नुभएको छ । अप्राकृतिक ढंगले अब यो चल्दैन,’ प्रचण्डले भने ।

प्रचण्डले हिजो र आज विपक्षी दलका नेताहरूसँग छलफल गरेका थिए ।