पुणे– नेपाल–भारत द्विपक्षीय सुरक्षा परामर्श समूहको १६औं बैठक २०२५ जुन २३ र २४ मा भारतको पुणेमा सम्पन्न भएको छ। दुईदिने बैठकमा दुवै देशका प्रतिनिधिहरूबीच रक्षा तथा सुरक्षा सम्बन्धी विषयमा व्यापक छलफल भएको थियो।
ADVERTISEMENT
बैठकमा दुवै पक्षले आपसी विश्वास र सहयोगलाई मजबुत पार्दै रक्षा तथा सुरक्षा क्षेत्रमा उपकरण आपूर्ति, तालिम, क्षमता अभिवृद्धि, तथा सैन्य आदानप्रदानका क्षेत्रमा सहकार्य अझ सुदृढ बनाउने प्रतिबद्धता व्यक्त गरे।
ADVERTISEMENT
बैठकले भारत–नेपालबीचको ऐतिहासिक, गहिरो र बहुआयामिक सम्बन्धलाई पुनः पुष्टि गर्दै क्षेत्रीय शान्ति र स्थायित्व कायम गर्न सहकार्यलाई अझ सशक्त बनाउनेमा जोड दिएको छ।
भारत–नेपाल द्विपक्षीय सुरक्षा परामर्श समूह यस्तो महत्त्वपूर्ण माध्यम हो जसले दुई देशबीचको रणनीतिक तथा सुरक्षा विषयमा नियमित संवादको अवसर प्रदान गर्दछ।
