ओली-लेखक पक्राउपछि गृहमन्त्री गुरुङले भने : प्रतिशोध होइन, केवल न्यायको सुरुवात

काठमाडौँ – गृहमन्त्री सुन गुरुङले नेकपा एमालेका अध्यक्ष तथा पूर्वप्रधानमन्त्री केपी शर्माओली र पूर्वगृहमन्त्री रमेश लेखक पक्राउ पर्नु प्रतिशोध नरहेको बताएका छन् । दुईजनालाई शनिबार बिहान पक्राउ गरेपछि सामाजिक सञ्जालमा बोल्दै गुरुङले न्यायको सुरुवात भएको बताएका हुुन् ।

साथै उनले कानुनभन्दा माथि कोही नभएको समेत भन्दै अब देशदे नयाँ दिशा लिने उल्लेख गरेका छन् । उनले भनेका छन्, ‘कानुनभन्दा माथि कोही छैन। पूर्व प्रधानमन्त्री केपी शर्मा ओली र निवर्तमान गृहमन्त्री रमेश लेखकलाई नियन्त्रणमा लिएका छौँ। यो कसैप्रति प्रतिशोध होइन, केवल न्यायको सुरुवात हो।मलाई विश्वास छ, अब देशले नयाँ दिशा लिनेछ।’

प्रहरीले आज बिहानै एमाले अध्यक्ष ओलीलाई भक्तपुरको गुण्डुस्थित निवासबाट र लेखकलाई भक्तपुरको कटुञ्जेबाट पक्राउ गरेको थियो ।