एकैदिन सुनमा ६ हजार २०० र चाँदीमा १८० रुपैयाँको वृद्धि

काठमाडौं – नेपाली बजारमा सुनचाँदी दुवैको मूल्य बढेको छ । आज सुन प्रतितोला ६ हजार २०० रुपैयाँ र चाँदी प्रतीतोला १८० रुपैयाँले बढेको हो।

नेपाल सुनचाँदी व्यवसायी महासंघका अनुसार आज सुन प्रतितोला २ लाख ८३ हजार ५०० सय रुपैयाँमा कारोबार भएको छ। बुधबार सुन तोलामा दुई लाख ७७ हजार ३०० सय रुपैयाँ किनबेच भएको थियो।

त्यस्तै, आजको बजारमा चाँदी तोलाको चार हजार ४५० रुपैयाँमा कारोबार भइरहेको छ। बुधबारको बजारमा चाँदी तोलामा चार हजार २७० रुपैयाँमा कारोबार भएको थियो।