सीमा अतिक्रमणको विरोध गर्दा पक्राउ परे विप्लव कार्यकर्ता

काठमाडौँ –भारतले साता सार्वजनिक गरेको आफ्नो नयाँ नक्सामा नेपाली भूमि समेटिएको विरोधमा प्रदर्शन गर्दा प्रतिबन्धित नेत्रविक्रम चन्द ‘विप्लव’ समूहका नेता कार्यकर्ता पक्राउ परेका छन् ।

राष्ट्रवादी केन्द्र नेपालले आयोजना गरेको विरोध प्रदर्शनमा रहेका उनीहरुलाई प्रहरीले माइतीघर मण्डलामा प्रदर्शन गरिरहेका बेला पक्राउ गरेको हो । विरोध प्रदर्शनमा प्रहरीले हस्तक्षेप गरी १२ जनालाई नियन्त्रणमा लिएको हो । त्यसअघि उनीहरुले राष्ट्रिय झण्डासहित मण्डलामा भारतविरुद्ध नाराबाजी गरेका थिए ।

शनिबार भारतले आफ्नो नयाँ नक्सामा नेपाली भूमि कालापानी क्षेत्रलाई समेत समेटेर जारी गरेपछि त्यसको सर्वत्र विरोध भइरहेको छ ।