काठमाडौँ – बंगलादेशमा आयोजना हुने एसीसी इमर्जिङ टिम्स एसिया कप क्रिकेट खेल्न नेपाली क्रिकेट टोली सोमबार ढाका प्रस्थान गरेको छ ।


ADVERTISEMENT


प्रतियोगिताका लागि नेपाल क्रिकेट संघ (क्यान) ले गत बुधबार ज्ञानेन्द्र मल्लको कप्तानीमा १५ सदस्सीय नेपाली टोलीको घोषणा गरिसकेको छ । पूर्व कप्तान पारस खड्का र सन्दीप लामिछाने युईएमा हुने टी–१० लिग खेल्न जान लागेकाले टोलीमा छैनन् ।


ADVERTISEMENT

# # #


प्रतियोगितामा नेपालसहित टेस्ट राष्ट्र भारत, पाकिस्तान, बंगलादेश, श्रीलंका, अफगानिस्तान, ओमान र हङकङले प्रतिस्पर्धा गर्नेछन् । नेपाल समूह ‘बी’ मा छ । नेपालको समूहमा भारत, बंगलादेश र हङकङ छन् ।

समूह ‘ए’ मा पाकिस्तान, ओमान, श्रीलंका र अफगानिस्तान रहेका छन् । नेपालले नोभेम्बर १४ मा भारतसँग खेल्दै प्रतियोगिताको सुरुवात गर्नेछ ।

नेपालले नोभेम्बर १६ मा हङकङ र समूह चरणको अन्तिम खेल बंगलादेशसँग नोभेम्बर १८ मा खेल्नेछ । समूहको शीर्ष दुई टिम सेमिफाइनलमा पुग्ने छन् । सेमिफाइनल र फाइनल खेल मिरपुरमा हुनेछ । प्रतियोगितामा युएईले अन्तिममा नाम फिर्ता लिएपछि नेपालले खेल्ने मौका पाएको हो ।

नेपाली टोली
ज्ञानेन्द्र मल्ल (कप्तान), दिपेन्द्र सिंह ऐरी, शरद भेषावकर, सोमपाल कामी, करण केसी, विनोद भण्डारी, रोहित कुमार पौडेल, ललित नारायण राजवंशी, पवन सर्राफ, सन्दीप जोरा, सुशन भारी, इशान पाण्डे, आरिफ शेख, अविनास बोहरा र कुशल भुर्तेल ।