मुसर्रफलाई मृत्युदण्ड दिने फैसला उल्टियो, बिशेष अदालत नै खारेज गर्ने उच्चको आदेश

पाकिस्तानका पूर्वराष्ट्रपति जनरल परवेज मुसर्रफलाई विशेष अदालतले सुनाएको मृत्यु दण्डको फैसला लाहोर उच्च अदालतले असंवैधानिक ठहर गरेको छ।

मुसर्रफको मृत्युदण्डको फैसला कानुनसम्मत नभएको उच्च अदालतले फैसला गरेको हो ।

तीन सदस्यीय न्यायाधीशको इजलासमा उक्त फैसला गरिएको पाकिस्तानी सञ्चार माध्यम द डनले जनाएको छ।

मुसर्रफलाई इस्लामावादस्थित उच्च अदालतले १७ डिसेम्बर २०१९ मा मृत्युदण्डको सजाय सुनाएको थियो।

कानुनी प्रकृया पूरा नगरेको भन्दै उच्च अदालतले विशेष अदालतलाई पनि खारेज गरिदिएको द डनले जनाएको छ।

अहिले मुसर्रफ उपचारका लागि दुबईमा छन्। यसअघि विशेष अदालतले मुसर्रफको मृत्यु भए पनि उनको लासलाई तानेर इस्लामावादमा तीन दिनसम्म झुण्ड्याउन आदेश दिएको थियो।