चिनियाँ भाइरसको सङ्क्रमणले मृत्यु हुनेको सङ्ख्या १०६ पुग्यो

एजेन्सी –

चीनमा नोवल कोरोना भाइरसका कारण १०६ जनाको मृत्यु भएको छ । ४ हजार जनाभन्दा बढी सङ्क्रमित भएको अधिकारीहरुले बताएका छन् ।  भाइरसलाई फैलिनबाट रोक्न चीनमा यातायात आवागमनमा थप कडाइ गरिएको छ।

भाइरस शुरू भएको वुहान शहर र त्यो शहर रहेको हुबेइ प्रान्तको अधिकांश स्थान बन्दप्रायः छन् । चीनभन्दा बाहिरका दर्जन बढी मुलुकमा पनि यसको संक्रमण फैलिएको छ ।