मोदीको प्रस्ताव स्वीकार गर्दै प्रधानमन्त्री ओलीले भने : नजिकबाट काम गर्न तयार छौँ

काठमाडौँ – प्रधानमन्त्री केपी शर्मा ओलीले विश्वभर फैलिएको कारोनाविरुद्ध लड्नका लागि सार्क राष्ट्रको नेतृत्व एक हुनु पर्ने भारतीय प्रधानमन्त्री मोदीको प्रस्ताव स्वीकार गरेका छन् ।

शुक्रबार एक ट्वीटमार्फत प्रधानमन्त्री ओलीले भारतीय समकक्षी मोदीको प्रस्ताव स्वीकार गर्दै त्यसका लागि नेपाल सार्क राष्ट्रहरुसँग नजिकबाट काम गर्न चाहेको बताएका छन् ।  प्रधानमन्त्री ओलीले ट्वीटरमा भनेका छन्, ‘सार्क राष्ट्रका जनतालाई घातक रोग कोरोना भाइरसबाट बचाउन नेपाल सरकार सार्क राष्ट्रका नेतृत्वसंग नजिक रहेर काम गर्न तयार छ ।’

I welcome the idea advanced by Prime Minister Modiji @narendramodi for chalking out a strong strategy by the leadership of the SAARC nations to fight Coronavirus. My government is ready to work closely with SAARC Member States to protect our citizens from this deadly disease.

— KP Sharma Oli (@PM_Nepal) March 13, 2020

यसअघि आजै मोदीले ट्वीटरमार्फत कोरोनाविरुद्ध मजबुत रणनीति बनाउन सार्क राष्टका नेतृत्व एक हुनुपर्ने बताएका थिए । उनले त्यसका लागि एउटा ‘भिडियो कन्फेरेन्स’को प्रस्ताव समेत गरेका थिए ।

सार्क राष्ट्रमा नेपालसँगै भारत, पाकिस्तान, बंगलादेश, श्रीलंका, माल्दिभ्स, भुटान र अफगानिस्तान रहेका छन् ।

सम्बन्धित समाचार :
कोरोनाले सम्झायो मोदीलाई सार्कको महत्व, गरे ‘भिडियो कन्फेरेन्स’को प्रस्ताव