माछापुच्छ्रे बैंकको फड्को, नेपालमै पहिलो पटक ‘वी च्याट वालेट’को भुक्तानी सेवा शुभारम्भ

काठमाडौं । माछापुच्छ्रे बैंकको फड्को, नेपालमै पहिलोपटक वी च्याट वालेटको भुक्तानी सेवा शुभारम्भ बैंकले नेपालमा नै पहिलो पटक ‘वी च्याट वालेट’को भुक्तानी सेवा भित्र्याएको छ । नयाँ प्रविधिहरु भित्र्याउन अग्रसर माछापुच्छ्रे बैंकले नेपालमा आउने चिनिया पर्यटकहरुलाई लक्षित गर्दै ‘वी च्याट वालेट’बाट हुने भुक्तानी स्वीकार गर्न यो सेवा शुभारम्भ गरेको हो ।

उक्त सम्झौता पश्चात नेपाल आउने पर्यटकहरुले माछापुच्छ्रे बैंक लि.संग आबद्ध मर्चेन्टहरुबाट वस्तु तथा सेवा खरीद गरे वापत भुक्तानी गर्नुपर्ने रकम ‘क्यूआर कोड’ स्क्यान गरि ‘वी च्याट वालेट’बाट भुक्तानी गर्न सक्नेछन् । माछापुच्छ्रे बैंकले फष्ट पे टेक्नोलोजि प्रा. ली.संगको सहकार्यमा उक्त ‘वी च्याट वालेट’ संचालनमा ल्याएको हो ।

स्थापनाकालदेखि नै नयाँ नयाँ प्रविधिमा आधारित सेवा सुविधा ग्राहक माझ ल्याउन कटिवद्ध रहेको माछापुच्छ्रे बैंक लि. पुर्व देखि पश्चिम साथै हिमाल देखि पहाड, र तराईसम्म आफ्ना १ सय ५९ वटा शाखाहरु, १ सय ३४ शाखारहित बैकिङ्ग सेवा समेत गरी जम्मा २ सय ९३ स्थानमा रहेका सेवा सञ्जाल तथा १ सय ९८ वटा एटीएमहरु तथा १ हजार भन्दा बढी पिओएस ( पिओएस मेसिन) मार्फत बाट ग्राहक महानुभावहरुलाई अत्याधुनिक प्रविधि सहित सम्पुर्ण बैंकिङ्ग सुबिधा प्रदान गरिरहेको छ ।