अन्ततः डिआईजी सिलवालले दायर गरेको रिट सर्वोच्चले यसरी खारेज गर्यो

काठमाडौँ– डिआईजी नवराज सिलवालले आफूलाई आईजीपी बनाउन दायर गरेको रिट खारेज भएको छ। उनले आफूभन्दा कनिष्ठलाई आर्इजीपी नियुक्त गरेको भन्दै सर्वोच्च अदालतमा रिट दायर गरेका थिए ।

सर्वोच्चको फैसलामा कार्यसम्पादन मूल्याङ्कनमा प्रकाश अर्याल नै नवराज सिलवालभन्दा अघि देखिएको उल्लेख छ। आजको फैसलामा अर्यालको कार्यसम्पादन मूल्याङ्कन नम्बर १५४.२ रहेको उल्लेख छ भने सिलवालको १५२.४ मात्र छ।

वृहत पूर्ण इजलासमा प्रधानन्यायाधीश गोपालप्रसाद पराजुली, न्यायाधीशहरु ओमप्रकाश मिश्र, केदारप्रसाद चालिसे, सारदाप्रसाद घिमिरे, मीरा खड्का, प्रकाशमान सिंह राउत र पुरुषोत्तम भण्डारी थिए।

तत्कालीन प्रधानन्यायधीश सुशिला कार्की सहित सर्वोच्च अदालतका पाँच न्यायधीश सम्मिलित बृहद पूर्ण इजलासले दिएको परमादेश विपरित सरकारले प्रकाश अर्याललाई आइजीपी नियुक्त गरेको थियो ।

त्यसपछि आइजीपीका प्रत्यासी डीआईजी नवराज सिलवालले २०७३ चैत्त ३० गते सर्वोच्च अदालतमा रिट दायर गरेका थिए ।