काठमाडौँ – नेपाल रेडक्रस सोसाइटीले संस्थाको समग्र अवस्थाको सम्बन्धमा श्वेतपत्र जारी गरेको छ । संस्थाको केन्द्रीय कार्यालयमा आइतवार आयोजित पत्रकार भेटघाट कार्यक्रममा कार्यसमितिको तर्फबाट अध्यक्ष डा. नेत्र तिम्सिनाले श्वेतपत्र सार्वजनिक गरोक हुन्।
ADVERTISEMENT
तदर्थ समितिले कार्य प्रारम्भ गर्दा विभिन्न समस्याहरू विद्यमान रहेको जानकारी गराउँदै नेपाल रेडक्रस सोसाइटीका अध्यक्ष डा तिम्सिनाले नेरेसोको दर्ता नवीकरण हुन नसकी संस्थाको बैधानिकता माथि प्रश्न उठेकोले संस्था नवीकरण पहिलो प्राथमिकतामा राखिएको बताइ। उनले भने, “निर्वाचन गराउन पनि कर चुक्ता, समाज कल्याण परिषद्मा कार्यक्रम स्वीकृति, अनुमोदन तथा अनुगमनजस्ता कानुनी, वैधानिक विषयहरू टुंग्याउनु पर्ने छ ।”
ADVERTISEMENT
विश्वका धेरै मुलुकमा जस्तै राष्ट्रिय कानुन बनाई रेडक्रस सञ्चालनको लागि स्पष्ट कानुनी आधार खडा गर्नु संस्थाको दृष्टि भएपनि तत्कालको लागि संस्था दर्ता ऐनको मर्म वमोजिम नै रेडक्रसलाई अगाडि बढाउनुपर्ने बाध्यता रहेको नेपाल रेडक्रस सोसाइटीका महामन्त्री पीताम्बर अर्यालले बताए। श्वेतपत्रमा उल्लेख भएवमोजिम तदर्थ समितिलाई दिइएको जिम्मेवारीमा कार्यसमिति प्रतिवद्ध रहेको र संस्थाको निर्वाचन कोभिडलगायतका विकसित परिस्थितिमा आधारित हुने उनको भनाइ थियो।
श्वेतपत्रमार्फत तदर्थ समितिले नेपाल सरकार, जिल्ला प्रशासन कार्यालय, समाज कल्याण परिषद, सञ्चार जगत र दातृ निकायहरुलगायत अन्य निकायसँगको सम्बन्धलाई थप सुधार बनाइने लगायतका २२ बुँदे प्रतिबद्धता जाहेर गरेको छ । जारी नौ पृष्ठको श्वतेपत्रमा संस्थाको वर्तमान समस्याहरु, सुधारका लागि प्रतिवद्धताहरु र संस्थाको विद्यमान अवस्थाको बारेमा उल्लेख गरिएको छ । नेरेसोको वर्तमान सांगठनिक, प्रशासनिक तथा आर्थिक अवस्था र अन्य स्रोत साधनको प्रयोग, भवन, जग्गा, गोदामघरहरू र संस्थागत चालु गतिविधिहरूको हालको अवस्थालाई पनि श्वेतपत्रमा चित्रण गरिएको छ ।
रक्तसञ्चार, एम्बुलेन्स, आँखास्याहार लगायत नेपाल रेडक्रसका विशेष सेवा र परियोजनाहरुको अवस्थाका साथै गोदामघर र सामग्रीको अवस्थाको बारेमा श्वेतपत्रमा आएको यथार्थ चित्रणले नेपाल रेडक्रसले गर्दै आएका सेवाहरुको महत्व र व्यापकता झल्काउने नेरेसोका निर्देशक दिव्यराज पौडेलले कार्यक्रममा जानकारी दिए ।
