शिक्षा ऐनको नवौँ शंसोधन फिर्ता नलिए कडा संघर्षमा उत्रिने संयुक्त विद्यार्थीको चेतावनी

काठमाडौँ– संयुयक्त विद्यार्थी संगठनले सरकारले गर्न लागेको शिक्षा ऐनको नवौँ संशोधन तत्काल फिर्ता नलिए कडाभन्दा कडा संघर्षमा उत्रिने चेतावनी दिएको छ ।

नेविसंघ, अनेरास्ववियु, अखिल (क्रान्तिकारी), नेपाल लोकतान्त्रिक विद्यार्थी फोरमले आज संयुक्त रुपमा आज एक संयुक्त विज्ञप्ति जारी गर्दै सरकारले शिक्षा ऐनको नवौँ संशोधन फिर्ता नलिए आम विद्यार्थीका हक हित र अधिकार रक्षाका लागि कडाभन्दा कडा संघर्षमा उत्रिन बाध्य हुने बताएको छ ।

विज्ञप्तिमा एकातिर राष्ट्रिय शिक्षा आयोग गठन गरेर शिक्षामा केही गर्न खोजेजस्तो देखाउने र अर्कोतिर त्यसको औचित्यमाथि ठूलो प्रश्न चिन्ह खडा गर्ने गरी शिक्षा ऐनको नवौँ संशोधन गर्ने सरकारको रवैयाप्रति संयुक्त विद्यार्थीको ध्यानाकर्षण भएको जनाइएको छ ।

प्रतिस्पर्धि जनशक्तिको आगमनमा बन्देज लगाउने गरी आएको शिक्षाको नवौँ संशोधनले सार्वजनिक शिक्षाको गुणस्तर झनै खस्किने संयुक्त विद्यार्थीको ठहर छ । यस संशोधनले स्थायी अनुमति पत्र लिएर बसेका लाखौँ विद्यार्थीको भविष्य अन्कार बनाउने विद्यार्थी संगठनको निष्कर्ष रहेको बताइएको छ ।