सर्वोच्चले मतपत्र सम्बन्धी रिटको सुनुवाई बुधबार गर्ने

काठमाडौं– आगामी मंसिर १० र २१ गतेका लागि तोकिएको निर्वाचनमा मतपत्रसम्बन्धी त्रुटि भएको भन्दै सर्वोच्च अदालतमा परेको रिटको निर्णय बुधबार सुनाइने भएको छ ।

सो रिटको मंगलबार सामान्य छलफल भएपनि सुनुवाईका लागि बुधबारलाई तोकिएको सर्वोच्चका प्रवक्ता नारायाणप्रसाद पन्थीले बताए ।

सो रिट न्यायाधीश दिपकराज गिरीको इजलासमा परेको प्रवक्ता पन्थीले बताए । केही पहिले राजपाका नेता सर्वेन्द्रनाथ शुक्लाले प्रदेश प्रतिनिधिसभा निर्वाचनमा एकै मतपत्र, अपांग मैत्री नभएको लगायतका १० वटा विषयमा रिट दायर गरेको बताइएको छ ।