प्रधानमन्त्री एकलौटी ढंगले अघि बढ्न खोजेकाले अस्थिरता पैदा भयो : नेतृ कोइराला

काठमाडौँ – नेपाली कांग्रेसकी नेतृ एवम् पूर्वउपप्रधानमन्त्री सुजाता कोइरालाले प्रधानमन्त्री ओली एकलौटी ढङ्गले अघि बढ्न खोजेको कारण मुलुकमा अस्थिरता पैदा भएको टिप्पणी गरेकी छन् ।

शुक्रबार जी.पी कोइरालाको ११ औं स्मृति दिवसको अवसरमा जी.पी कोइराला स्मृति प्रतिष्ठान बुटवलले आयोजना गरेको महिला भलिबल रनिङ्ग शिल्ड प्रतियोगितामा बोल्दै कोइरालाले नेपालमा सहमति,सहकार्य र एकता बिना कसैले केही गर्न नसक्ने जिकिर गर्दै मुलुकमा यो अस्थिरता देखा पर्नुमा प्रधानमन्त्री ओलीको अहमता,एकलौटी शासन प्रणाली नै रहेको बताएकी हुन् ।

पूर्व उपप्रधानमन्त्री समेत रहेकी कोइरालाले असफल नेतृत्वका कारण सरकार पूर्ण रुपमा असफल भइसकेको बताइन् । त्यस्तै उनले नेपाली जनता कोरोना महामारी लगायत अनेंकौ समस्याहरुसगँ जुध्न परिरहेको बेला सरकारले ठूला ठूला सपना बाड्नु शिवाय नेपाली जनताका लागी केही पनि गर्न नसकेको दाबी गरिन् ।

प्रतियोगितामा रुपन्देहीका स्कुल कलेजका महिला टिमहरु सहभागिता भएको थिए ।