काठमाडौँ – चीनको स्वशासित क्षेत्र तिब्बतले नेपाललाई स्वास्थ्य सामाग्री सहयोगस्वरुप पठाउने भएको छ ।
तिब्बतले ३० हजार लिटर लिक्विड अक्सिजनसहित ८सय थान अक्सिजन भरिएको सिलिण्डर, १० वटा अक्सिजन कन्सट्रेटर, ५ भेन्टिलेटर, २०० सय आइसियु बेड र १५०० सय एन्टिजेन किट्स पठाउन लागेको हो ।
नेपालका लागि चिनियाँ राजदूत होउ यान्छीले ट्विटमार्फत तिब्बतले स्वास्थ्य सामाग्री पठाउन लागेको जानकारी दिएकी हुन् ।
चीनले यसअघि नेपाललाई २० हजार थान अक्सिजनसहित स्वास्थ्य सामाग्री सहयोग गरेको थियो ।