सर्वोच्चको फैसला कार्यान्वयनमा बाधा पुर्‍याउने मूर्खता कतैबाट नहोस् : गगन थापा

काठमाडौँ– नेपाली कांग्रेसका युवा नेता गगन थापाले अंवैधानिक प्रतिनिधिसभा विघटन बदर गरेर सर्वाेच्चले संविधानको रक्षा गरेको बताएका छन् ।

आज प्रधानन्यायाधीश चोलेन्द्रशम्शेर जबरा, वरिष्ठतम न्यायधीश दीपककुमार कार्की, मीरा खड्का, ईश्वरप्रसाद खतिवडा र डा आनन्दमोहन भट्टराईको संवैधानिक इजलासले गरेको प्रतिनिधिसभा विघटन बदरकोे विषयमा ट्विट गर्दै नेता थापाले उक्त निर्णयबाट सर्वाेच्चले संविधानको रक्षा गरेको जनाएका हुन् ।

यसका साथै उनले अदालतको आदेश मन परेन भने असहमत हुन पाइने तर, अस्वीकार नगरिने जनाउँदै अघि भनेका छन्, ‘उत्तेजना,दम्भ र अहंकार बोकेर फैसला कार्यान्वयनमा बाधा पुर्‍याउने मूर्खता कतैबाट नहोस् भन्ने आशा गरौं । नत्र भिरबाट खस्नेलाई रामराम ।’

प्रतिनिधिसभा विघटन असंवैधानिक थियो,सर्बोच्च अदालतले व्याख्या गर्दै संविधानको रक्षा गरेको छ।अदालतको आदेश मनपरेन भने असहमत हुन पाइन्छ तर अस्वीकार गरिँदैन।उत्तेजना,दम्भ र अहंकार बोकेर फैसला कार्यान्वयनमा बाधा पुर्‍याउने मूर्खता कतैबाट नहोस् भन्ने आशागराैं।नत्र भिरबाट खस्नेलाई रामराम

— Gagan Thapa (@thapagk) July 12, 2021