दुर्घटना कम गर्न पशु चौपायको घाँटीमा रातमा टल्कने स्टिकर

काठमाडौँ– रातको समयमा सडकमा छाडा छाडिएका पशु चौपायका कारण दुर्घटनालाई कम गर्न ट्राफिक प्रहरीले गाईवस्तु तथा अन्य  पशुहरुको घाँटीमा रातमा टक्लने स्टिकर लगाउने अभियान शुरु गरेको छ ।

रातमा अध्याँरोको कारण सडकमा बसेका पशुहरुका कारण चालकहरु झुक्किने, ठोक्किने दुर्घटनाका क्रमलाई न्युनिकरण गर्न ट्राफिक प्रहरीले सो अभियान थालेको हो ।

ट्राफिक महाशाखाका एसएसपी जनक भट्टराईको निर्देशनमा चालकहरु सचेत हुन् र नझुक्किऊन् भन्दै सोमबारदेखि शुरु गरिएको सो अभियान अन्र्तगत काठमाडौका बौद्व, चावाहिल, गौशलालगायतका पशुहरुको घाँटीमा स्टिकर टाँसिएको छ । यद्यपि काठमाडौका मुख्य मुख्य ठाउँ बाट सुरु भएको यो अभियान क्रमिक रुपमा काठमाडौंका अन्य ठाउँमा पनि विस्तार गर्ने योजना रहेको ट्राफिकले जनाएको छ ।

यस अभियानले उद्देश्य अनुरुप दुर्घटना न्युनिकरणमा सघाउ पुर्‍याउने अपेक्षा गरिएको छ ।