काठमाडौँ– विश्व स्वास्थ्य संगठन(डब्ल्यूएचओ) को दक्षिण पूर्वी एसियाको ७४ औं सम्मेलन सम्मेलन सोमबारबाट सुरु हुँदैछ ।
ADVERTISEMENT
स्वास्थ्य मन्त्रालयले आइतबार आयोजना गरेको पत्रकार सम्मेलनमार्फत राज्यमन्त्री उमेश श्रेष्ठले सोमबार बिहान पौने १० बजे भर्चुअल माध्यमबाट सुरु हुने जानकारी दिए ।
ADVERTISEMENT
डब्ल्यूएचओको मुलुकमा विगत ६० औँ वर्षदेखि सदस्यको रुपमा रहँदै आएको नेपालले ११ औँ वर्षपछि ११ वर्ष पछि सम्मेलनको नेतृत्वको गर्ने मौका पाउनु आफैमा ऐतिहासिक एवम् गौरवको विषय रहेको उनले बताए । उक्त कार्यक्रम भौतिक उपस्थितमा नै हुने भनिएपनि कोभिड–१९ मै सिमित भएको उनले जानकारी दिए ।
‘यद्यपि यो ‘११ औ मुलुकको ५ दिने सम्मेलन सम्मेलनको ५ दिन नेपालका लागि निकै महत्वपूर्ण छ’, उनले भने ।
उक्त सम्मेलनमा स्वास्थ्यको आप्कालीन अवस्था, सर्ने नसर्ने रोगको नियन्त्रण, स्वासथ्यमा सर्वव्यापी पहुँच, खोप व्यवस्थापन, वितरण र प्राप्ती, आगामी कार्ययोजना लगायतका विषयवस्तुमा छलफल हुने उनको भनाई छ ।
उनले सो सम्मेलनले भोलिका दिनमा डब्ल्यूएचओ संग सहकार्य गरेर अगाडि जान सकिने विश्वास व्यक्त गरे ।
नेपालले यस सम्मेलनदेखि आगामी एक वर्षका लागि समितिको अध्यक्षका रुपमा कार्य गर्नेछ । बैठकमा दक्षिण पूर्वी एशियाली राष्ट्रहरुमा विश्व स्वास्थ्य सङ्गठनका कार्यक्रम, नीति, बजेटको समीक्षा तथा स्वीकृति गर्नुको साथै कोभिड–१९ लगायतका अन्य समसामयिक जनस्वास्थ्यका मूल मुद्दामा गहन छलफल गरिनेछ ।
उक्त सम्मेलनमा डब्ल्यूएचओका महानिर्देशक डा. टेड्रोस अधानोम गेब्रेयसस, क्षेत्रीय निर्देशक डा पुनम क्षेत्रपाल सिंह, स्वास्थ्यमन्त्रीहरु र क्षेत्रका सदस्य देशहरुका वरिष्ठ स्वास्थ्य अधिकारीहरु, संयुक्त राष्ट्रसंघ एजेन्सीहरु, साझेदारहरु, दाताहरु र नागरिक समाजका प्रतिनिधि लगायतको सहभागिता रहने जनाएको छ ।
