काठमाडौँ – कामना सेवा विकास बैंकले काठमाडौं महानगरपालिका वडा नं. ३० ज्ञानेश्वर चोकमा निर्माण गरेको “ट्राफिक बत्ती” ट्राफिक प्रहरी महाशाखालाई हस्तान्तरण गरेको छ ।

बैँकले आफ्नो सामाजिक उत्तरदायित्व अन्तर्गत निर्माण गरेको उक्त ट्राफिक बीच शुक्रबार एक समारोहकाबीच महाशाखालाई हस्तान्तरण गरेको हो । बैंकका प्रमुख कार्यकारी अधिकृत (सईओ) प्रविण बस्नेतले ट्राफिक प्रहरी महाशाखाका प्रमुख जनक भट्टराई र काठमाडौं महानगरपालिका वडा नं.३० का वडा अध्यक्ष दल बहादुर कार्कीको उपस्थितिमा उक्त ट्राफिक बत्ती हस्तान्तरण गरेका हुन् ।


ADVERTISEMENT

# # #


हस्तान्तरण समारोहलाई सम्बोधन गर्दै बैंकका सीईओ प्रविण बस्नेतले बैंकले आफ्नो सामाजिक उत्तरदायित्व अन्तर्गत समाज/राष्ट्र निर्माणमा योगदान पुर्याउने महत्वपूर्ण अवसर प्रदान गरेकोमा धन्यवाद दिंदै आगामी दिनहरुमा समेत सरोकारवालाहरुको समन्वय तथा सहकार्यमा यस्ता प्रकृतिका सामाजिक कार्यहरुलाई निरन्तरता दिने प्रतिवद्धता व्यक्त गरे ।

ट्राफिक प्रहरी महाशाखाका प्रमुख जनक भट्टराईले ट्राफिक बत्ती अनुशासन र सभ्यता सिकाउने महत्वपूर्ण साधन भएकोले बैंकले जनसरोकारको यस क्षेत्रमा अमूल्य योगदान गरी निकै सराहनीय कार्य गरेकोमा बैंक परिवारप्रति धन्यवाद ज्ञापन गरेका थिए ।

यस्तै वडा नंं. ३० का वडा अध्यक्ष दल बहादुर कार्कीले बैंकले ट्राफिक बत्ती मात्र नभएर वडामा न्यून आय भएका परिवारका बालबालिकाहरुलाई न्यानो लुगा तथा शैक्षिक सामाग्री वितरण, सरसफाई, वित्तीय साक्षरता अभियान सञ्चालन जस्ता अनुकरणीय कार्यहरु गरेको भन्दै विशेष धन्यवाद दिएका थिए ।

ज्ञानेश्वरको मुख्य चोकमा राखिएको ट्राफिक बत्तीबाट स्थानीय नागरिक, सवारी साधन तथा पैदल यात्रुले लाभ लिन सक्ने बैंकले विश्वास लिएको छ ।

प्रतिकृया

प्रतिकृया