काठमाडौँ – आइसिसी विश्वकप क्रिकेट लिग–२ अन्तर्गत ओमान त्रिकोणात्मक सिरिजमा ओमानविरुद्ध नेपालले पहिलो सफलता हात पारेको छ ।
ADVERTISEMENT
ओमानको अल अमेरत क्रिकेट स्टेडियममा टस जितेर नेपालले पहिले बलिङ गरिरहेको नेपालका लागि करण केसीले पहिलो विकेट दिलाएका हुन् । उनले यसअघि नेपालविरुद्ध आक्रमक शतक प्रहार गरेर जतिन्दर सिंहलाई आउट पारेका हुन् ।
ADVERTISEMENT
उनले जतिन्दरलाई व्यक्तिगत १३ रनमा आसिफ शेखबाट क्याच आउट गराएका हुन् । त्यसक्रममा जतिन्दरले १ चौका र १ छक्का प्रहार गरे । ताजा अवस्थामा ओमानले ४ ओभरको समाप्तीमा १ विकेटको क्षतिमा २२ रन बनाएर खेलिरहेको छ ।
यसअघि पहिलो खेलमा ओमानसँग ५ विकेटले हारेको नेपाल आज जित निकाल्दै त्रिकोणात्मक सिरिजलाई सुखद अन्त्य गर्ने दाउमा रहेको छ । नेपालले सिरिजको पहिलो अमेरिकालाई ५ विकेटले हराएको थियो भने दोस्रो खेलमा ओमानसँग ५ विकेटले हारेको थियो । यस्तै तेस्रो खेलमा शुक्रबार अमेरिकाले नेपाललाई ६ विकेटले हराएको थियो ।
नेपाली टोलीमा आज दुईवटा परिवर्तन गरिएको छ । शरद भेषावकर र आरिफ शेख अन्तिम ११ मा अटाएका छन् भने कुशल मल्ल र गुल्सन झा बाहिरिएका छन् ।
यसअघि सन् २०२० को फेब्रुअरीमा कीर्तिपुरस्थित त्रिवि क्रिकेट मैदानमा नेपाल दुवै खेलमा ओमानसँग पराजित भएको थियो अर्थात् ओमानसँग नेपालले लिग–२मा मा जित निकाल्न सकेको छैन
