काठमाडौँ– स्वास्थ्य राज्यमन्त्री उमेश श्रेष्ठले नजिकिदैँ गरेको पर्वलाई मध्यनजर गर्दै आवागवनमा विशेष सर्तकता अपनाउन आग्रह गरेका छन् ।
उनले मंगलबार समाजिक सञ्जालमार्फत स्वास्थ्य सुरक्षाका मापदण्ड अपनाउन सर्वसाधारणलाई आग्रह गरेका हुन् ।
कोभिड–१९ संक्रमण दर कम भएपनि जोखिम कायमै रहेको बताउँदै उनले लेखेका छन्, ‘कोभिड–१९ नयाँ संक्रमितहरुको संख्या केहि कम भएको हो यद्यपि संक्रमण दर दोहोरो अंक नजिकै छ ।’
यस्तै उनले निपाह भाइरसबाट जोगिनका लागि पनि कोभिड–१९ कै जस्तो स्वास्थ्य मापदण्ड अनुशासित रुपमा पालना गर्नुमा समेत जोड दिएका छन् ।
चाडपर्वहरू नजिकिदैं छन् । आवागमनमा विशेष सतर्कता अपनाउनुहोला। स्वास्थ्य मापदण्डको पालना जारी राखौं। कोभिड-१९का नयाँ संक्रमितहरूको संख्या केही कम भएको हो, यद्यपि संक्रमणदर दोहोरो अंक नजिक नै छ। निपाह भाइरससँग जोगिन पनि कोभिड-१९कै जस्तो स्वास्थ्य मापदण्ड अनुशासित ढङ्गले पालना गरौं।
— Umesh Shrestha (@PMOStateMin) September 21, 2021