काठमाडौँ– महानगरीय ट्राफिक प्रहरी महाशाखाले उपत्यकाका विभिन्न स्थानबाट हराएका २३ मोटरसाइकल सम्बन्धित सवारी धनीलाई हस्तान्तरण गरेको छ ।


ADVERTISEMENT


महाशाखाले शुक्रवार १५ वटा मोटरसाईकल र ८ वटा स्कुटर गरी कुल २३ सवारी रहेका सम्बन्धित धनीलाई हस्तान्तरण गरेको हो ।


ADVERTISEMENT

# # #


उपत्यकामा हुने सवारी साधन चोरी घटनालाई न्युनिकरण एवं नियन्त्रण गर्न ट्राफिक प्रहरीले विशेष टोली परिचालन गरेको छ ।

सवारी धनीले ट्राफिक महाशाखामा दिएको हुलिया निवेदनका आधारमा टोलीले मोटरसाईकल खोजतलास गरि सम्बन्धित धनीलाई बुझाउने गरेको छ भने चोरीमा संलग्नहरुलाई नियन्त्रणमा लिई कारवाही गर्दै आएको छ ।

महाशाखा प्रमुख प्रहरी वरिष्ठ उपरीक्षक जनक भट्टराईले हराएका मोटरसाईकल खोजतलास एव चोरी नियन्त्रण गर्न हामी निरन्तर लागिपरेका बताउदै मोटरसाईकल हराउनै नदिनको लागी सबैको सहयोग र हातेमालोको खाँचो छ, बिशेषगरि सवारी धनी थप सजक एव जिम्मेवार हुनुपर्ने कुरामा जोड दिए ।

‘आफ्नो भेटिएको सवारी साधन फिर्ता लिने क्रममा केहि धनीहरुले ट्राफिक प्रहरीलाई धन्यवाद दिदैँ हराएको मोटरसाईकल भेटिदैन होला भनेर अर्को नयाँ किनेर चढ्न शुरु गरेको कुरा सुन्दा हामी थप उत्साहित भएका छौं’सवारी धनीको प्रंशसालाई उद्धृत गर्दै एसएसपी भट्टराईले भने, ‘अझ सक्रिय भई चोरी नियन्त्रणमा लाग्नेछौँ ।’

उनलेचोरी नियन्त्रणमा प्राप्त गरेको सफलताले हराएका मोटरसाईकल प्रहरीले फेला पर्दैन होला भन्ने कतिपय सवारी धनीको दुबिधालाई क्रमश चिर्न सफल भएकोमा खुशी समेत व्यक्त गरे । विशेष सूचना संकलन र निगरानी गरी उपत्यका तथा आसपासको इलाकाबाट मोटरसाइकलहरु बरामद गरिने र चोरीमा संलग्न मानिसहरुलाई पक्राउ गरी आवश्यक कारबाहीका लागी तत्कालै विभिन्न प्रहरी बृत्तहरुमा पठाउने गरेको महाशाखाले जनाएको छ ।

जथाभावी र लामो समयसम्म पार्किङ्ग नगर्न सुझाव

जथाभावी पार्किङ्ग नगर्न, एकान्त स्थान र लामो समयसम्म पार्किङ्ग नगर्न  सुझाव दिएको छ ।

यस्तै, पार्किङ्ग गर्दा थप अतिरिक्त सुरक्षाका उपायहरु प्रयोग गर्न समेत महाशाखाले अनुरोध गरेको छ ।

पछिल्लो समय स्कुटर चोरीका निवेदनहरु बढ्न थालेको महाशाखाको तथ्याङ्कले प्रष्ट्याउँछ । विशेषगरी स्कुटर चालकहरुले सवारी दर्ता किताव (बिलबुक) डिक्कीमै राख्ने गरेको हुन्छ । कतिपय अबस्थामा चाँबी सहित स्कुटरहरु हराउने हुँदा चोरीपश्चात नम्बर प्लेट समेत परिवर्तन नगरि निर्बाध रुपमा चलाउन, चेकिङ्गमा सोहि ब्लुबुक देखाई छुट्न समेत सजिलो हुने गरेको महाशाखाको बुझाई छ ।

महाशाखाका अनुसार, यस आर्थिक वर्षमा हराएका ३८७ मोटरसाईकल मध्ये १७१ मोटरसाईकल नियन्त्रणमा लिई १६८ वटा मोटरसाइकल सम्बन्धित धनीलाई जिम्मा लगाएको छ ।

मोटरसाईकल चोरीमा संलग्न १९ जनालाई चोरीका मोटरसाईकल सहित सम्बन्धित प्रहरी वृत्तहरुमा कारबाहीको लागी पठाएको समेत महाशाखाले जनाएको छ ।