एजेन्सी – नोवेल शान्ति पुरस्कार विजेता मलाला यूसुफजाई विवाह बन्धनमा बाँधिएकी छन् । मलालाले बुधबार बेलायको बर्मिंघम शहरमा विवाह गरेकी हुन् ।
२४ वर्षीय मलालाले पककिस्तानका असर मलिकका साहथ निकाह गर्दै आफ्नो विवाहलाई ‘आफ्नो जीवनको एक मूल्यवान दिन’ बताएकी छन् । आफ्नो विवाहबारे जानकारी दिँदै मलालाले ट्वीटरमा भनेकी छन्, ‘आजको दिन मेरो जीवनको अमूल्य दिन हो । असर र मैँले जीवनभरका सहयात्री बन्नका लागि विवाहकोमा बाँधिएका छौँ । हामीले आफ्नो परिवारसँग बर्मिंघमको एक घरमा सानो निकाह समारोह मनाएका छौँ । कृपया हामीलाई प्राथना पठाउनुहोस् । हामी अगाडिको यात्रा एक साथ तय गर्नका लागि उत्साहित छौँ ।’
पाकिस्तानकी महिला अधिकारकर्मी मलालालाई सन् २०१२ मा तालिवान चरमपन्थीले टाउकोमा गोली प्रहार गरेका थिए । उनको उपचारका लागि बेलायतको बर्मिंघम लगिाएको थियो । त्यतिबेलादेखि नै उनी त्यहाँ बस्दै आएकी छन् ।
को हुन् मलालाका पति ?
मलाला यूसुफजाई क्रिकेटकी ठूलो प्रशंसक हुन् । उनले कयौँ पटक यसबारे अन्तर्वार्तामा समेत भनेकी छन् । संयोगले उनका पति असल मलिकको पनि क्रिकेटसँग एकदमै नजिकको नाता रहेको छ ।
उनी पाकिस्तान क्रिकेट बोर्ड (पीसीबी)का नेशनल पर्फरमेन्स सेन्टरमा जनरल मेनेजर (जीएम) हुन् । असर मलिकले लाहोरको प्रतिष्ठित ऐचिन्सन कलेजबाट डिग्री लिएपछि लाहोर विश्वविद्यालयबाट व्यवस्थापनको पढाई गरेका छन् ।
पीसीबीसँग जोडिनु अघि उनी पाकिस्तान सुपर लीगको टिम मुल्तान सुल्तान्ससँग पनि जोडिएका थिए ।
Today marks a precious day in my life.
Asser and I tied the knot to be partners for life. We celebrated a small nikkah ceremony at home in Birmingham with our families. Please send us your prayers. We are excited to walk together for the journey ahead.
📸: @malinfezehai pic.twitter.com/SNRgm3ufWP— Malala (@Malala) November 9, 2021