काठमाडौँ – नेकपा एमालेका सचिव योगेश भट्टराईले चितवनमा जारी नेकपा एमालेको दशौँ राष्ट्रिय महाधिवेशनमा नयाँ नेतृत्व चयनका लागि सर्वसम्मतिको प्रयार भइरहेको बताएका छन् ।
ADVERTISEMENT
आइतबार चितवनमा सञ्चारकर्मीसँग कुराकानी गर्दै उनले सर्वसम्मतिको प्रयास भइरहेकाले परिणाम पनि सकारात्मक आउने दाबी गरेका हुन् । ‘सहमतिका लागि सबै प्रयत्न भइरहेको छ । परिणाम पनि मिठो आउँछ । सहमति भनिसकेपछि सबैखालका प्रवृत्ति र नेताहरुलाई मिलाएर जाने कुरा हो ।’ उनले भने, ‘निर्वाचन भएको भए प्रतिनिधिले मिलाइदिन्थे, सहमतिमा जाने भएपछि नेताले मिलाउनु पर्न ।’
ADVERTISEMENT
नेतृत्व चयन गर्ने प्रतिनिधिको अधिकार नेताहरुले आफ्नो हातमा लिइसकेपछि यो परीक्षण नेताहरुकै रहेको उनले बताए । उनले भने, ‘चुनावमा जान पाएको भए प्रतिनिधिहरुको विवेक परीक्षण हुन्थ्यो तर नेताहरुले हामी मिलाउँछौँ भनेकाले त्यसको विवेक पुर्याउने जिम्मा नेताहरुकै हो ।’
सचिव भट्टराईले नेपालमा नेकपा एमालेको नेतृत्व र अगुवाईमा एउटै कम्युनिस्ट पार्टी बनाउने भनिसकेकाले यो एकताकै महाधिवेशन रहेको र भोलि परिणाम पनि दिने उल्लेख गरे । उनले १० बुँदे सहमतिपछि एमालेकै रहेको १० भाई नेताहरु एमालेमा घुलमिल भइसकेकाले १० बुँदे पनि घुलमिल भइसकेको उनले बताए ।
उनले महाधिवेशनपछिको नेकपा एमाले एकदमै गतिशील हुने बताउँदै उनले भने, ‘अब नेकपा एमाले सौराहाबाट दौडेर जान्छ ।’ उनले नेकपा एमालेविरुद्ध बनेको गठबन्धनलाई चिर्नका लागि एमाले अग्रसर हुने उल्लेख गरे ।
सचिव भट्टराईले सुदृढ र एकतावद्ध बनाउँदै आउँदो स्थानीय निर्वाचनमो कम्तिमा ५० प्रतिशतभन्दा बढी स्थानमाजित हासिल गर्ने र प्रदेश र संघमा सरकार बहुमत ल्याएर सात वटा मुख्यमन्त्री र प्रधानमन्त्री हुने गरी अघि बढ्ने जिकिर गरे ।
