काठमाडौं – नेपाली कांग्रेसको १४औँ महाधिवेशनअन्तर्गत नयाँ कार्यसमिति चयनका लागि भएको निर्वाचनमा सभापतिका उम्मेद्वारको मत गणना जारी छ । नेपाली कांग्रेसको सभापतिका लागि भएको निर्वाचनको मतगणनामा प्रधानमन्त्री एवं पार्टी सभापति शेरबहादुर देउवाले अग्रता लिएका छन् । तर देउवालाई अर्का उम्मेदवार शेखर कोइरालाले पछ्याइरहेका छन् । ३२ सय ८२ मतगणना हुँदा देउवाले अग्रता लिएका छन् ।
राष्टिय सभागृहमा प्रदेश २ बाट मतगणना सुरु भएको थियो । प्राप्त नतिजा अनुसार संस्थापन पक्षका देउवालाई संस्थापन इतर पक्षका कोइरालाले पछ्याइरहेको देखिएको छ ।
अग्रता लिएका शेर बहादुर देउवाले १५५६ मत पाएको कांग्रेस निर्वाचन समितिले जनाएको छ । डा शेखर कोइरालाले ११९७ मत पाएका छन् । प्रकाशमान सिंहले २५७, मत पाएका छन् । यसैगरी विमलेन्द्र निधिले २०१, मत पाएका छन् । मतगणनामाः कल्याण गुरुङले १७ मत पाएका छन् ।