काठमाडौं – नेपाली कांग्रेसको महाधिवेशन अन्तर्गत महामन्त्रीका लागि अहिले मतगणना भइरहेको छ । प्रारम्भिक मतपरिणाममा गगन थापाले अग्रता लिएका छन् । अन्य उम्मेदवारले थापालाई पच्छ्याइरहेका छन् ।
१८९५ मतगणना हुँदा गगनले १२९४ मत पाएका छन् । गगन कांग्रेसको महाधिवेशनमा शेखर कोइराला प्यानलबाट चुनावी मैदानमा होमिएका हुन् । त्यसैगरी प्रकाशमान समूहका विश्वप्रकाश शर्माले ८२७ मत पाएका छन् । देउवापक्षका प्रदीप पौडेलले ६६८ मत पाएका छन् ।
देउवापक्षका प्रकाशशरण महतले ६२० मत पाएका छन् । शेखर कोइराला प्यानलका मीनेन्द्र रिजालले ३२९ मत पाएका छन् । राजाराम कार्कीले ५८ मत पाएका छन् ।