काठमाडौँ – नेपाली कांग्रेसको १४औं महाधिवेशनअन्तर्गत निर्वाचनको मत परिणाममा मुस्लिम खुलातर्फ र थारुतर्फको विजयी घोषणा भएको छ ।
मंगलबार राति सार्वजनिक मत परिणामअनुसार मुस्लिम खुलातर्फको दुई पदमा अब्दुल रज्जाक २३९० मत र अब्दुल सतार २२२८ मतका साथ केन्द्रीय सदस्यमा निर्वाचित भएका छन्।
सो पदमा उम्मेदवारहरु अकिल मियाँले १५९९, अब्दुल रहिमले २९९, मो इर्शाद अन्सारीले १४२१, मो नशिर सिद्दिकीले १२३, मोख्तार अहमदले २१८, मोहम्मद निजामुद्दिनले १७९, सलाउद्दिन मियाँले १६८ र हसन अन्सारीले ४०१ मत प्राप्त गरेका छन्।
कांग्रेस केन्द्रीय निर्वाचन समितिका अनुसार केन्द्रीय सदस्य मुस्लिम महिलातर्फको एउटा पदमा भने जावेदा खातुन जागाले १९०० मत प्राप्त गर्दै विजयी भएकी छन् । अन्य उम्मेदवारहरु गोमा पराजुली ९अन्सारी०ले ४७८, जमिला खातुनले ३३८, जमिला मियाँले १४४१, यासिबा रहमानले २०३ र सनम वेगमले १४६ मत पाएको निर्वाचन समितिले जनाएको छ।
त्यस्तै कांग्रेस केन्द्रीय सदस्य थारुतर्फ खुला दुई पदमा रामजनम चौधरी र योगेन्द्र चौधरी विजयी भएका छन्। विजयी रामजनमले २५०३ र योगेन्द्रले २१९८ मत ल्याएका छन्। केन्द्रीय सदस्य थारु महिलातर्फ दुई पदमा कल्पना चौधरी २५२४ मत र जीवन राना २३४९ मत ल्याएर निर्वाचित भएको समितिले जनाएको छ।