ह्याम्सका अध्यक्ष भण्डारी ‘प्रोफेशनल डक्टरल सर्टिफिकेट अवार्ड’ का लागि चयन

काठमाडौँ– हस्पिटल फर एडभान्स मेडिसिन एण्ड सर्जरी (ह्याम्स) अस्पतालका अध्यक्ष राम शरण भण्डारी ‘प्रोफेशनल डक्टरल सर्टिफिकेट अवार्ड’ का लागि चयन भएका छन् ।

अध्यक्ष भण्डारी युरोपियन इन्टरनेशनल युनिभर्सिटी पेरिस-फ्रान्सबाट नेपालको स्वास्थ क्षेत्रमा योगदान पुर्‍याएका कारण ‘प्रोफेशनल डक्टरल सर्टिफिकेट अवार्ड ईन हस्पिटल म्यानेजमेन्ट’ का लागि चयन भएका हुन् ।

यसका लागि उनी आगामी जनवरी–२०२२ मा बैंकक, थाइल्यान्डमा हुन लागेको इभेन्टमा सहभागी हुनेछन् ।

२० वर्षअघि मेडिकल उपकरण सप्लाइ व्यवसायीका रुपमा स्वास्थ्य क्षेत्रमा प्रवेश गरेका भण्डारीले देशका चर्चित र वरिष्ठ विशेषज्ञ डाक्टरलाई एकै ठाउँमा भेला पारी ह्याम्समार्फत बिरामीलाई विशेष सेवा सुविधा उपलब्ध गराउँदै आएका छन् ।