ओरालो लाग्दै सुनको भाउ, कति पुग्यो प्रतितोला ?

काठमाडौँ– नेपाली बजारमा सुनको पहेँलो धातुको मुल्य क्रमशः ओरालो लाग्दै गएको छ ।

सुनचाँदी बजारमा आज अघिल्लो दिन पहेँलो धातु प्रतितोला ९२ हजार २०० रुपैयामा कारोबार भएको छापावाल सुनको मूल्य आज सुनचाँदी बजारमा  प्रतितोला ४०० रुपैयाँले घटेर ९१ हजार ८०० रुपैया तोकिएको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला ९१ हजार ३०० रुपैया छ, जसको मूल्य गत आइतबार प्रतितोला ९१ हजार ७०० रुपैया थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १० रुपैयाले घटेर एक हजार २४० रुपैयामा आएको महासङ्घले जनाएको छ । अन्तरराष्ट्रिय बजारमा आज सुन प्रतिऔँस एक हजार ७८७ डलर आसपास कारोबार भइरहेको छ । रासस