ह्याम्स अस्पतालले सिन्धुपाल्चोकमा गरेको शिविरबाट एकैदिन ४५० जना बिरामीले लिए सेवा

काठमाडौं – काठमाडौंको धुम्बाराहीस्थित ह्याम्स अस्पताल र सिन्धु सदाबहार अस्पताल सिन्धुपाल्चोकको संयुक्त आयोजनामा सिन्धुपाल्चोकको खाँडीचौरमा भएको विशेषज्ञहितको स्वास्थ्य शिविरबाट ४५० जना बिरामीले स्वास्थ्य सेवा लिएका छन्।

यही चैत २६ गने शनिबार ह्याम्स अस्पतालका विशेषज्ञ चिकित्सकहरुको टोली गएर गरेको शिविरमा हाडजोर्नी, स्त्रीरोग, छाला रोग तथा नाक कान घाँटी सम्बन्धी समस्याको पहिचान गरी उनीहरुलाई औषधी समेत निशुल्क वितरण गरिएको थियो । शिविरमा समस्या पत्ता लागेर थप उपचार चाहिने र शल्यक्रिया गर्नुपर्ने बिरामीलाई ह्याम्स अस्पतालले विशेष छुट दिने बताएको छ ।

अस्पतालले आफनो सामाजिक उत्तरदायित्व अन्तर्गत रहेर विपन्न बिरामीहरुका लागि निस्शुल्क स्वास्थ्य शिविर गर्दै आएको जनाएको छ ।