काठमाण्डौं-कास्कीका ९ वटै क्षेत्रमा वाम गठबन्धनले अग्रता लिएको छ । साँझसम्ममा कास्कीका प्रतिनिधि सभाका ३ र प्रदेश सभाका ६ वटा गरी सबै ९ वटै क्षेत्रमा वाम गठबन्धनले अग्रता लिएको हो ।
ADVERTISEMENT
कास्की प्रतिनिधि सभा क्षेत्र नम्बर १ मा एमालेका खगराज अधिकारीले ४ हजार १ सय ६३ मत प्राप्त गरेका छन् । उनलाई कांग्रेसका यज्ञबहादुर थापाले ३ हजार ६० मत ल्याएर पछ्याइरहेका छन् । यस क्षेत्रमा पूर्व स्वास्थ्यमन्त्री अधिकारी र बहालवाला कानूनमन्त्री यज्ञबहादुर थापाबीच कडा टक्कर हुने अनुमान गरिएको छ ।
ADVERTISEMENT
कास्की प्रतिनिधिसभा क्षेत्र नम्बर २ मा एमालेका रविन्द्र अधिकारीले ६ हजार ७ सय ५९ मत प्राप्त गरेर अग्रता लिएका छन् । उनलाई कांग्रेसका देवराज चालिसेले ४ हजार ७ सय ५ मत ल्याएर पछ्याइरहेका छन् । एमालेका युवा नेता अधिकारी विकास समितिका निवर्तमान अध्यक्ष हुन् भने कांग्रेसका चालिसे प्राध्यापक हुन् ।
कास्की प्रतिनिधि सभा क्षेत्र नम्बर ३ मा ४ हजार ३ सय ४४ मत गणना सकिँदा एमालेका जगत विश्वकर्माले २ हजार ३ सय ६४ मत ल्याएर अग्रता लिएका छन् । उनलाई कांग्रेसका शुक्रराज शर्माले १ हजार ७ सय १६ मत ल्याएर पछ्याइरहेका छन् । विश्वकर्मा एमालेका पोलिट्ब्यूरो सदस्य हुन् भने कांग्रेसका शर्मा पूर्वआमन्त्रित केन्द्रीय सदस्य हुन् ।
प्रदेश सभामा पनि वामकै अग्रता
प्रदेशसभा तर्फ कास्की १ (क) मा वाम गठबन्धनबाट नेकपा माओवादी केन्द्रका दीपक प्रसाद कोइराला ‘रुपक’ले ३ हजार ४ सय ४४ मत ल्याएर अग्रता लिएका छन् । उनलाई कांग्रेसका जीवन परियारले १ हजार १ सय ८१ मत ल्याएर पछ्याइरहेका छन् ।
कास्की १ (ख) मा वाम गठबन्धनबाट एमालेका मनबहादुर गुरुङले २ हजार ४ सय ७५ मत ल्याएर अग्रता लिएका छन् । उनलाई कांग्रेस कास्कीका सभापतिसमेत रहेका कृष्ण केसीले १ हजार ९ सय ७३ मत ल्याएर पछ्याइरहेका छन् ।
कास्की क्षेत्रनम्बर २ (क) मा वाम गठबन्धनबाट एमाले कास्कीका अध्यक्षसमेत रहेका कृष्ण थापाले ३ हजार ८ सय ८० मत ल्याएर अग्रता लिएका छन् । उनलाई कांग्रेसका गुरुप्रसाद बरालले १ हजार ७ सय ६१ मत ल्याएर पछ्याइरहेका छन् ।
कास्की क्षेत्रनम्बर २ (ख) मा पोखरा उद्योग वाणिज्य संघका निवर्तमान अध्यक्षसमेत रहेका कांग्रेसका बिन्दुकुमार थापाले २ हजार ६ सय १८ मत ल्याएका छन् । वाम गठबन्धनबाट नेकपा माओवादी केन्द्रका राजकाजी गुरुङ ‘करण’ले २ हजार ५ सय ४५ मत ल्याएर पछ्याइरहेका छन् ।
कास्की क्षेत्रनम्बर ३ (क) मा वाम गठबन्धनबाट नेकपा माओवादी केन्द्रका रामजीप्रसाद बरालले १ हजार ८ सय ११ मत ल्याएर अग्रता लिएका छन् । उनलाई कांग्रेसका शारदा पौडेलले १ हजार २ सय ८२ मत ल्याएर पछ्याइरहेका छन् ।
कास्की क्षेत्रनम्बर ३ (ख) मा बाम गठबन्धनबाट एमालेका युवा संघ नेपालका केन्द्रीय अध्यक्ष राजिव पहारीले १ हजार २ सय ४६ मत ल्याएर अग्रता लिएका छन् । उनलाई कांग्रेसका सिकन्दरकुमार गुरुङ ‘भोज’ले ९ सय १२ मत ल्याएर पछ्याइरहेका छन् ।
कास्कीको प्रत्यक्षतर्फको सबै नतिजा शनिबार राति अबेरसम्ममा आइसक्ने अनुमान गरिएको छ ।
