मन्त्री र सचिवहरुलाई बोलाएर प्रधानमन्त्रीको निर्देशन : जनअपेक्षाअनुसार कार्यसम्पादन गर्नू

काठमाडौँ – प्रधानमन्त्री शेरबहादुर देउवाले प्रभावकारी ढंगले जनताको अपेक्षाअनुसार कार्यसम्पादन गर्न मन्त्री र सचिवहरुलाई निर्देशन दिएका छन् ।

सिंहदरबारमा मंगलबार मन्त्री र सचिवहरुसंगको संयुक्त छलफलका क्रममा प्रधानमन्त्री देउवाले सरकारका कामहरुलाई प्रभावकारी बनाउदै जनताको अपेक्षाअनुसार कार्यसम्पादन गर्न निर्देशन दिएका हुन् ।

प्रधानमन्त्री देउवाले मुलुकको हितलाई सर्वोपरि हितमा राखेर जनताको आकांक्षालाई पुरा गर्नका लागि काम गर्न निर्देशन दिएको सरकारका प्रवक्ता ज्ञानेन्द्र बहादुर कार्कीले जानकारी दिए । त्यस्तै मुलुक चूनावको चरणमा प्रवेश गरकोले त्यहि अनुसारको तयारीका साथ अघि बढ्न समेत निर्देशन दिएको प्रवक्ता कार्कीले बताए ।

त्यस्तै बजेट र कार्यक्रम कार्यान्वयनलाई प्रभावकारी बनाउन पनि देउवाले निर्देशन दिएका थिए । बैठकमा अर्थमन्त्री जनार्दन शर्माले मुलुकको आर्थिक अवस्थाका बारेमा जानकारी गराएका थिए भने अन्य मन्त्रीहरुले पनि संक्षिप्त रुपमा वर्तमान काम र भावी योजनाका बारेमा जानकारी गराएको प्रवक्ता कार्कीले बताए ।