थप ८ सय १५ जनामा कोरोना संक्रमण पुष्टि, ५ को मृत्यु

काठमाडौँ – नेपालमा थप ८ सय १५ जनामा कोरोना संक्रमण पुष्टि भएको छ ।

देशभर गरिएको २ हजार ४ सय ११ पीसीसआर परीक्षणका क्रममा ४ सय ६५ जना र २ हजार १ सय २३ एन्टीजेन परीक्षणका क्रममा ३ सय ५० जनामा कोरोना संक्रमण पुष्टि भएको हो । कोरोनाका कारण थप ५ जनाको मृत्यु भएको स्वास्थ्य मन्त्रालयले जनाएको छ । हालसम्म नेपालमा कोरोनाका कारण ११ हजार ९ सय ८२ जनाको मृत्यु भइसकेको छ ।

त्यस्तै कोरोनाका कारण थप ४ सय ७६ जनाको निको हुँदा हालसम्म नेपालमा ९ लाख ७४ हजार २ सय ९५ जना निको भएका छन् । हाल नेपालमा ५ हजार ८ सय ६९ सक्रिय संक्रमित आइशोलशेनमा रहेको मन्त्रालयले जनाएको छ ।