आयल निगमले भन्यो : तत्काल इन्धनको मूल्य समायोजन गर्न सकिँदैन

काठमाडौँ – नेपाल आयल निगमले तत्काल इन्धनको मूल्य समायोजन नगर्ने भएको छ ।

मंगलबार काठमाडौंमा पत्रकार सम्मेलन गर्दै निगमले संस्थाको ऋणको दायित्व धेरै भएका कारण हाललाई मूल्य यथावत नै राख्ने निर्णय भएको जनाएको हो ।

पत्रकार सम्मेलनमा निगमका कार्यकारी निर्देशक उमेशप्रसाद थानीले पछिल्लो तीन पटकको मूल्यसूचि घटेर आएपनि ऋण र भुक्तानीको बक्यौता धेरै भएकाले अहिलेलाई मूल्य समायोजन गर्न नसकिएको बताए ।

उनले यसअघि अन्तराष्ट्रिय बजारमा मूल्य बृद्धि हुदा पूर्ण रुपमा निगमले वृद्धि नगर्दा करिव ५० अर्व घाटामा गएकोे जानकारी दिए । उनले अहिले भारतीय आयल कर्पोरेसन (आईओसी)लाई तिर्नु पर्ने बक्यौता अझै २३ अर्ब रुपैयाँ बाँकी रहको बताए ।

सरकार र वाणिज्य बौंकबाट लिइएको १० अर्ब ऋण र २३ अर्ब वक्यौता गरी ३३ अर्बको भार अझैपनि रहेको थानीले बताए । आईओसीबाट आएको नयाँ मूल्य अनुसार निगमलाई पेट्रोलमा ४ रुपैयाँ ७४ पैसा नाफा, डिजेलमा ४ रुपैयाँ ५० पैसा र ग्यासमा ४९९ रुपैयाँ ५७ पैसा घाटा रहेको उनले जानकारी दिए ।

अहिलेको मूल्यसूचि अनुसार मासिक ६२ करोड रुपैया घाटा हुने उनले बताए ।