सरकारले आगामी निर्वाचन निष्पक्ष र भरपर्दाे बनाउने ग्यारेन्टी गर्नुपर्छ : नेता सिंह

काठमाडौँ – नेपाली कांग्रेसका नेता प्रकाशमान सिंहले आगामी निर्वाचन निष्पक्ष र भरपर्दाे बनाउने ग्यारेन्टी सरकारले गर्नुपर्ने बताएका छन् ।

नेपाल महिला संघका संस्थापक अध्यक्ष मंगलादेवी सिंहको २७ औँ स्मृति दिवसको अवसरमा काठमाडौंको शोभाभगवतीमा आयोजित माल्यार्पण कार्यक्रममा नेता सिंहले मुलुकमा निर्वाचनको माहोल सुरु भइसकेको भन्दै यसलाई निष्पक्ष र भरपर्दाे बनाउने ग्यारेन्टी सरकारले गर्नुपर्ने बताएका हुन् ।

सिंहले आर्थिक रुपान्तरणका लागि र जनताको जीवन आरामदायी बनाउन कांग्रेस लाग्नुपर्ने सुझाव दिए । उनले संविधान कार्यन्यवन गर्ने बेला कम्युनिस्टले म्यान्डेट पाएपनि आवश्यक संघीय कानुन बनाउन नसकेको जिकिर गरे । विशेष परिस्थीतिमा कांग्रेस सरकारमा आएकोले कांग्रेस नेतृत्वको सरकारले अब नयाँ म्यान्डेड लिएर समस्या समाधान गर्ने उनको भनाई छ ।

नेता सिंहले स्व मंगलादेवि सिहले सुरु गर्नु भएको अधिकार प्राप्तिको आन्दोलनको निरन्तरता स्वरुप अहिले सबै क्षेत्रमा महिला सुनिश्चितता भएको बताए ।