राष्ट्रपतिको कदमप्रति गठबन्धन असन्तुष्ट : वक्तव्य जारी गर्दै

काठमाडौं – राष्ट्रपतिले नागरिकता विधेयक प्रमाणीकरण गर्न अस्वीकार गरेपछि सत्ता गठबन्धनले त्यसबारे वक्तव्य जारी गर्ने भएको छ ।

संसदको दुवै सदनबाट पारित गरी प्रमाणीकरणका लागि पठाएको नागरिकता विधेयक राष्ट्रपति विद्यादेवी भण्डारीले मंगलबार पारित गर्न अस्वीकार गरेकी थिइन् ।

‘राष्ट्रपतिको यो कदम संविधान र संसदीय मर्यादामाथिको प्रहार रहेको निष्कर्ष निकाल्दै हामीले वक्तव्य जारी गर्दैछौं,’ नेकपा एकीकृत समाजवादीका अध्यक्ष माधवकुमार नेपालले भने ।

वक्तव्य ड्राफ्ट भइरहेको र केहीबेरमा सार्वजनिक गर्ने तयारी छ । आज बिहानैदेखि बालुवाटारमा बसेको सत्ता गठबन्धन बैठकमा राष्ट्रपतिका कदमबारे छलफल भइरहेको छ ।