कांग्रेसले मंगलबार बाेलायाे कार्यसम्पादन समितिकाे बैठक, मन्त्रिपरिषद् विस्तारमा ढिलाइ हुने अनुमान

काठमाडाैँ– प्रधानमन्त्री पुष्पकमल दाहाल प्रचण्डले मन्त्रिपरिषद् विस्तारकाे तयारी गरिरहेका बेला प्रमुख सत्ता साझेदार दल नेपाली कांग्रेसले केन्द्रीय कार्यसम्पादन समितिको बैठक बाेलाएकाे छ ।

बैठक भाेलि (मंगलबार) बिहान ९ बजे पार्टी केन्द्रीय कार्यालय सानेपामा बस्नेछ । बैठकमा केन्द्रीय कार्यसम्पादन समितिका पदाधिकारी एवं सदस्यहरूलाई बाेलाइएकाे कांग्रेस पार्टी कार्यालयका मुख्य सचिव  कृष्णप्रसाद पौडेलले जानकारी दिए ।

बैठकमा सरकारमा सहभागिता र मन्त्री छनाेटबारे छलफल हुने बताइएकाे छ । सरकारले दाेस्राेपटक विश्वासकाे मत पाइसक्दा समेत प्रधानमन्त्रीले मन्त्रिपरिषद्लाई पूर्णता दिन सकेका छैनन् । प्रधानमन्त्रीकाे दल नेकपा माओवादी केन्द्रले शाेमबारसम्म मन्त्रिपरिषद् विस्तार गर्ने निर्णय गरेकाे थियाे ।

तर कांग्रेसले मंगलबारका लागि केन्द्रीय कार्यसम्पादन समितिको बैठक बाेलाएपछि मन्त्रिपरिषद् विस्तारमा थप ढिलाइ हुने अनुमान गरिएकाे छ ।