काठमाडौँ नगर प्रहरीको कुटपिटविरुद्ध फुटपाथ व्यापारीको प्रदर्शन

काठमाडौँ – काठमाडौं महानगरपालिकाका नगर प्रहरीले कुटपिट गरेको भन्दै फुटपाथ व्यापारीहरुले काठमाडौंको सुन्धरामा प्रदर्शन गरेका छन् ।

राती आठ बजेपछि सुन्धरा क्षेत्रमा व्यापार गर्दा नगर प्रहरीले निर्घात कुटपिट गरेको भन्दै फुटपाथ व्यापारीहरुले प्रदर्शन गरेका हुन् । उनीहरुले महानगरको ज्यादती कहिलेसम्म, साङघाकि आक्रमण बन्द गर लगाएतका प्लेकार्ड प्रदर्शन गरेका थिए ।

यसअघि बुधबार साँझ सुन्धरा क्षेत्रमा सडक व्यापार गर्ने विषयमा काठमाडौँ नगर प्रहरी र फुटपाथ व्यापारीबीच झडप भएको थियो । महानगरले भने आफूहरूमाथि फुटपाथ व्यापारीले आक्रमण गरेपछि झडपको स्थिति सिर्जना भएको दाबी गरेको छ ।