राष्ट्रियसभा उपाध्यक्ष : एमालेबाट विमला र कांग्रेसकी विष्णुदेवीद्वारा उम्मेदवारी दर्ता

काठमाडौँ– राष्ट्रियसभाको उपाध्यक्ष पदमा नेपाल कम्युनिष्ट पार्टी (एमाले) र नेपाली कांग्रेसकातर्फबाट छुट्टाछट्टै उम्मेदवारी दर्ता भएको छ ।

मंगलबार संसद् भवन नयाँ बानेश्वरमा एमालेका तर्फबाट बिमला घिमिरेले उम्मेदवारी दर्ता गराएकी छन् । घिमिरेको प्रस्तावकमा सांसद भगवती न्यौपाने र समर्थकमा सांसद गोपीबहादुर सार्की अछामी रहेका छन् ।

यस्तै, नेपाली कांग्रेसको तर्फबाट विष्णुदेवी पुडासैनीले उम्मेदवारी दर्ता गराएकी छन् । पुडासैनीको प्रस्तावकमा सांसद दुर्गा गुरुङ र समर्थकमा सांसद नारायणदत्त भट्ट रहेका छन् ।

उपाध्यक्षको निर्वाचन बुधबार हुँदैछ । उम्मेदवारी दर्ता गर्रापछि सञ्चारकर्मीसँग कुरा गर्दै एमालेका तर्फबाट उपाध्यक्षका उम्मेदवार घिमिरेले आफूलाई मतदान गरी निर्वाचित गराउन आग्रह गरिन्े । आफूलाई आफ्नो दलले यो जिम्मेवारी दिएकाले धन्यवाद दिइन् ।

काँगेसका तर्फबाट उम्मेदवारी दर्ता गराएका पुडासैनीले पनि राष्ट्रियसभालाई गरिमामय बनाउन आफूले भूमिका खेल्ने राय सुनाइन् । तत्कालीन उपाध्यक्ष उर्मिला अर्यालले पदबाट राजीनामा दिएपछि निर्वाचन हुन लागेको हो ।