कवाडी गोदाम तीव्र रुपमा हटाउँदै काठमाडौँ महानगर

काठमाडौँ – काठमाडौ‌ महानगरपालिकाले महानगरभित्र रहेका कवाडी गोदाम हटाउने कार्यलाई तीव्रता दिएको छ ।

वस्तीबीचमा रहेका कवाडी गोदामका कारण जोखिम उत्पन्न भएको भन्दै महानगरले महानगरभित्र रहेका कवाडी गोदाम हटाउने कार्यलाई तीव्रता दिएको हो ।

यसैक्रममा महानगरले बिहीबार वडा न‍ २९ अनामनगरमा रहेको कवाडी स्थानीय जनप्रतिनिधि र महानगर प्रहरी बलद्वारा हटाएको छ । महानगर प्रहरीले डोजर प्रयोग गरेर कवाडी गोदाम भत्काएको हो । गोदाम खाली गर्न पटक पटक सूचना दिदा पनि अटेर गरेकाले डोजर प्रयोग गरेर हटाउनुपरेको महानगर प्रहरीले जनाएको छ ।

यता कवाडी व्यवसायीले भने तीनदिन अघिमात्रै सूचना आएको र गोदाम हटाउने तयारी गर्दा एक्कासी आएर डोजर लगाएको गुनासो गरेका छन् ।