टेकु सर्‍यो काठमाडौं उपत्यका अपराध अनुसन्धान कार्यालय

काठमाडौँ– उपत्यका अपराध अनुसन्धान कार्यालय टेकुमा सरेको छ।

सोमबार बिहानदेखि कामकारबाही टेकुस्थित नेपाल आयल निगमको भवनमा हुने गरी सरेको कार्यालयका प्रवक्ता एसपी काजीकुमार आचार्यले जानकारी दिए।

सो भवनमा यसअघि जिल्ला प्रहरी परिसर काठमाडौँ बसेको थियो । काठमाडौँ प्रहरी भद्रकाली स्थित आफ्नै नयाँ भवनमा सरेको छ । उपत्यका अपराध अनुसन्धान कार्यालय यसअघि मिनभवनमा थियो । टेकुमा परिसरमा अनुसन्धान कार्यालयको अत्याधुनिक भवन बनिरहेको छ ।

२०७२ को भूकम्पपछि अपराध अनुसन्धान कार्यालयले हनुमान ढोकाबाट टेकु हुँदै मिनभवनबाट अनुसन्धान गर्दै आएको थियो । काठमाडौँ उपत्यकामा हुने ठुला अपराधको अनुसन्धान सो कार्यालयले गर्छ ।