काठमाडौं-मोरङको पथरीशनिश्चरेमा गएराति एक महिलाको खुकुरी प्रहार गरी हत्या भएको छ । पथरीशनिश्चरे–९ स्थित श्याम चौककी ३० वर्षीया तुलसा लिम्बूको खुकुरी प्रहार गरी हत्या भएको हो ।
इलाका प्रहरी कार्यालय, पथरीका प्रहरी निरीक्षक विजय श्रेष्ठले पथरीशनिश्चरे–९ स्थित श्याम चौक बस्ने ३४ वर्षीय चन्द्रबहादुर लिम्बूले ३० वर्षीया श्रीमती तुलसा लिम्बूलाई खुकुरीले घाँटीमा प्रहार गरी हत्या गरेको जानकारी दिए । घटनापछि खुकुरी प्रहार गर्ने लिम्बू फरार रहेकाले उनको खोजी भइरहेको प्रहरीले जनाएको छ ।
उनले श्रीमतीको हत्या गर्नुको कारण खुल्न सकेको छैन । घटनापछि खुकुरी प्रहार गर्ने लिम्बू फरार रहेकाले उनको खोजी भइरहेको प्रहरीले जनाएको छ ।