रवि लामिछाने पक्राउ परेपछि अदालत र सरकारलाई दबाब दिने प्रयास हुँदैछ : गृहमन्त्री लेखक

काठमाडौँ– गृहमन्त्री रमेश लेखकले पार्टी (रास्वपा) का सभापति एवं पूर्वउपप्रधानमन्त्री रवि लामिछानेलाई अदालतको स्वीकृति लिई पक्राउ गरिएको बताएका छन् ।

आज बसेको सत्तारुढ गठबन्धनको बैठकमा बोल्दै गृहमन्त्री लेखकले सो जानकारी गराएका हुन् । उनले फौजदारी घटनामा न्यायिक छानबिन भइरहेका बेला अदालत र सरकारलाई दबाब दिने गरी भइरहेका विरोध प्रदर्शन उचित नभएको बताए ।

यस्ता घटनाका विषयमा सत्तामा रहेका दलहरुले आफ्ना तर्फबाट वक्तव्य जारी गरी न्यायिक छानबिन र लोकतान्त्रिक पद्धतिलाई निष्पक्ष रुपमा अगाडि बढाउन आग्रह गर्ने विषयमा समझदारी भएको उनको भनाई छ ।