पुष १२ गतेदेखि थिमीमा मध्यपुर महोत्सव शुरु हुने

भक्तपुर– आगामी पुष १२ गतदेखि भक्तपुरको मध्यपुर थिमिमा मध्यपुर महोत्सव आयोजना हुने भएको छ ।

मध्यपुर थिमि नगरपालिकाले बिहीबार भक्तपुरमा पत्रकार सम्मेलन गर्दै नगरको स्थानीय कला, संस्कृति र सम्पदाको प्रवद्र्धन गर्ने उदेश्यका साथ आगामी पुष १२, १३ र १४ गते मध्यपुर महोत्सव आयोजना गर्न लागिएको जनाएको हो ।

महोत्सवमा मध्यपुरथिमिको पहिचान झल्काउने सांस्कृतिक प्रस्तुतिका साथै स्थानीय पेशा, व्यवसाय, मौलिक उत्पादन, हस्तकला, माटोका भाँडालगायत प्रदर्शन गरिने मध्यपुर थिमि नगरपालिकाका प्रमुख एवं मध्यपुर महोत्सव मूल समारोह समितिका संयोजक सुरेन्द्र श्रेष्ठले जानकारी दिए ।

थिमि शंखधरचोकदेखि नगदेश र बोडे हुदै तिगनीको नीलवाराहीसम्मका ऐतिहासिक बस्तीक्षेत्रलाई प्रदर्शनी स्थलको रुपमा प्रस्तुत गरिने उनले बताए ।

महोत्सवका क्रममा नगरका विभिन्न स्थानमा करिब ४ सय स्टल रहने आयोजकले जनाएको छ भने स्थानीय मौलिक कला संस्कृति अन्तर्गतका २५ वटा विभिन्न नाँच देखाइएको नगरप्रमुख श्रेष्ठले जानकारी दिए ।