मनाइयो राष्ट्रिय पोशाक एवं टोपी दिवस

काठमाडौँ – जागरुक युवा अभियान नेपालको आयोजनामा १२औँ राष्ट्रिय पोशाक एवं टोपी दिवस विभिन्न कार्यक्रम गरी मनाइएको छ ।

सबै पोशाकको सम्मानः‘नेपाली टोपीःहाम्रो पहिचान’ भन्ने नाराका साथ युवा अभियान नेपालले बुधबार काठमाण्डौँको बसन्तपुरमा राष्ट्रिय पोशाक एवं टोपी दिवस मनाएको हो ।

पछिल्लो समय युवा पुस्तामा राष्ट्रिय पोशाक दाउरा सुरुवाल र टोपी लगाउने मोह बढ्दै गएको युवा अभियान नेपालले जनाएको छ।राष्ट्रिय पोशाक र टोपीले नेपालको मौलिकता झल्काउने भएकाले अन्य दिन नलगाएपनि पनि,जनवरी १ तारिखका दिन राष्ट्रिय पोशाक दिवसका अवसरमा लगाउन युवा अभियान नेपालले आवहन समेत गरेको छ ।

नेपाली पहिचानका रुपमा रहेको दौरा, सुरुवाल, टोपी र गुन्यु चोलीलाई युवामाझ स्थापित गर्न विसं २०७० देखि राष्ट्रिय पोशाक एवं टोपी दिवस मनाउन सुरु गरिएको हो ।