मध्य अफ्रिकी गणतन्त्रमा तैनाथ नेपाली शान्ति सैनिकको अदलीबदली

काठमाडौँ – मध्य अफ्रिकी गणतन्त्रमा संयुक्त राष्ट्र बहुआयामिक एकीकृत स्थिरीकरण मिसन –मिनुस्का)मा तैनाथ नेपाली सैनिकको अदलीबदली भएको छ ।

उच्च तयारी सुरक्षा बटालियन –एचआरपीबी) अन्तर्त श्री दि फेमश महिन्द्रदल गण (शान्ति सेना) छैठौँ डफ्फा आइतबारलाई बदली गर्न श्री रिपुमर्दन गण ९शान्ति सेना० सातौँ डफ्फाका ११८ जना नेपाली शान्ति सैनिकहरुको पहिलो टोली आइतबार प्रस्ताथ गरेको छ । सेनानी कपिल कुमार सिंहको नेतृत्वमा उक्त टोली संयुक्त राष्ट्रसंघको चार्टड बिमानद्वारा मिसन इलाकातर्फ प्रस्थान गरेको हो।

यसअघि सोही मिसनमा आफ्नो कार्यकाल सम्पन्न गरी छैठौँ डफ्फामा कार्यरत ११६ जना शान्ति सैनिकहरू सेनानी दिपेश राना मगरको नेतृत्वमा फाल्गुण ११ गते नै स्वदेश फिर्ता भएका थिए । हाल उक्त मिसनमा नेपाली सेनाका १२४४ जना शान्ति सैनिकहरु कार्यरत छन् ।