कुलमानलाई हटाएर विद्युत प्राधिकरण बाहिर सुरक्षा बढाउदैँ सरकार

काठमाडौँ– सरकारले नेपाल विद्युत प्राधिकरणको कार्यकारी निर्देशक कुलमान घिसिङलाई पदबाट हटाएसंगै प्राधिकरण बाहिर सुरक्षा तैनाथी बढाएको छ ।

घिसिङलाई बर्खास्त गर्ने सरकारको निर्णयविरुद्ध विभिन्न संगठनहरु आन्दोलनमा उत्रिने भएपछि प्राधिकरणबाहिर सुरक्षा व्यवस्था कडा बनाइएको हो ।

प्राधिकरणबाहिर नेपाल प्रहरी र सशस्त्र प्रहरीहरु खटिएका छन् । घिसिङलाई हटाएको विरोधमा विभिन्न ठाउँमा प्रदर्शन हुन थालेपछि प्राधिकरण बाहिर सुरक्षा बढाइएको प्रहरीले जनाएको छ।

सोमबार बसेको मन्त्रिपरिषद्को बैठकले कुलमानलाई बर्खास्त गर्ने निर्णय गरेको थियो। कुलमानलाई हटाएसँगै सरकारले प्राधिकरणको कार्यकारी निर्देशकमा हितेन्द्रदेव शाक्यलाई नियुक्त गर्ने निर्णय गरेको छ ।