ललितपुर– महालक्ष्मी नगरपालिका–२ द्वारा आयोजित प्रथम वडा अध्यक्ष कप रनिङ सिल्ड फुटसल प्रतियोगिता २०८१ सम्पन्न भएको छ।
प्रमुख अतिथि मेयर हरि गोविन्द श्रेष्ठ र वडा अध्यक्ष ध्रुव खत्रीको प्रमुख उपस्थितिमा सम्पन्न कार्यक्रममा इमाडोल ब्वाइजको जित भएको छ । जसबापत इमाडोल ब्वाइजले ५५ हजार रुपैयाँ राशि प्राप्त गरेको छ भने उपविजेता बन्दै इमाडोल युथ क्लब ४५ हजार रुपैयाँ राशि प्राप्त गर्न सफल भएको छ ।
कार्यकूमलाई सम्बोधन गर्दै वडाध्यक्ष खत्रीले स्थानियको खेलकुदप्रतिको मोहलाई कायम राख्य भविष्यमा पनि यसका कार्यलाई निरन्तरता दिइने बताए । ‘आगामी दिनमा यसलाई थप सशक्त र मजबुत बनाएर, पुरस्कार राशि पनि बढाएर ल्याउनेछौँ’, उनले भने ।
कार्यक्रममा स्थानीय बासिहरूको बाक्लो उपस्थिति रहेको थियो। केसिस फुटसल मैदानमा सम्पन्न खेलमा सात टोलीले सहभागिता जनाएका थिए।
कार्यक्रममा मेयर, वडा अध्यक्ष, वडा सदस्यहरू, र वडा सचिव सुनिता गौतम लगायतका अन्य अतिथिहरूको उपस्थिति रहेको थियो।